沙巴京都巴魯Day 2 @ 沙比島hea住浮潛游阿游

黎到day 2! 重頭戲黎喇! 椰林樹影、水清沙幼的陽光與海灘！自助沙比島浮潛Im Coming!

係酒店食完個早餐之後 由酒店步行去Jesselton Point Pier 連埋中途去商場唱錢

（係阿 玩到第二日已經預感唔夠錢駛） 都係大約半小時內 不過沙巴既陽光特別熱情

係烈日當空下行半個鐘 其實未去到沙灘都已經燶 (押一下韻)

係靚景側邊少不免有地產商打主意 沙巴都唔例外 碼頭側邊除左地盤 仲有國際一體化既商場

11點半 達陣！

行到入去既右手邊就係一系列既售票處喇，基本上一行到入去就會有人黎拉客

我地亦都只係求其就簡左間最多人既就拿拿臨買飛喇！

有沙比島、馬努干島、加雅島選擇(這三個島比較熱門) 另外兩個島則附設渡假村

阿 下次有錢都想去住島既渡假村 整多個橫島飛索！(窮J發下夢先)

又無帶毛巾又無帶拖鞋既我地，入面都有得買（其實可以兩手空空咁去)

不過20RM得條甩晒毛既面巾(都預左比人劏既...鬼叫唔記得帶咩)

拖鞋同水黎講呢，就出面間便利店最平

因為酒店樓下間便利店既拖鞋，價錢剛剛好係一倍...（成日都買貴野 鼻孔噴氣mode)

浮潛價目表：100RM兩個人，呢個價錢係去一個島！

包浮潛鏡、吸氣管、救生衣同快艇來回

仲有每人10RM 上岸費，總數120RM兩個

Locker 10RM 一個 有帶貴重物品的可以上岸租賃

若然要去兩個島、甚至三個島，價錢也會不同的

蛙鞋、潛水衣、水泡等等其他裝備，佢地都有得租

仲可以外加燒烤午餐放題 約45$RM左右吧（哎呀忘了)

或外帶小食去也可～(岸上有賣薯片、雪條的小店)

時間表：由上午8點半就有船出發了！ 尾船係4點半

呢個時段大約半小時就有一班船出發(去/回) 事先跟counter職員預約就得了!

水上活動：有香蕉船、快艇拖降落傘等 價錢由100RM起

拎齊裝備之後 搞掂就出發喇！

大約15分鐘到就到沙比島喇！天公愛美 這天的天氣很好！水很清 天很藍

嘩 點解可以咁靚既 典解既典解既！

而且魚也很多 唔游水單單影下相曬下太陽都好正

著好裝備！茶好太陽油！出發！！！（唔識游水但係有救生衣真係太爽）(邊個話唔可以著救生衣遊水？)

無野做咪睇下iphone拍＋剪嘅潛水片(粒左防水dom拍)

感覺較早時間魚數量比較多！(因為接近三點多時 天氣開始轉壞)

途中比魚仔咬左三啖 驚深海動物同埋不善水性既我驚到尖叫左三次

第一次條魚咬到我超痛 仲有五個小牙loan係小腿 -_- 都幾痛下哈哈 之後因為咁我唔敢游咁遠…

而且唔敢游去魚堆-_- 到依家諗返起都覺得痛..有陰影sosad

所以原本係酒店早餐偷運的面包最後都無拎黎餵魚 (怕左D魚) (驚d魚當面包咁咬我)

風光如畫既背後我地有著可歌可泣既小悲歌 話說為左今次既浮潛 買左個山狗用既頭帶

但係 山 狗 不 見 了 (唉仲要唔係自己既)；懷疑有人襯我地訓緊教果時比人偷左 (唉去到邊都掛住訓)

唯有冒住險用個大陸製但係唔會爆炸既防水袋裝住部iphone 6s落水

幸好 全程無入水 （不過袋入面有少少霧 咩解？）

快樂既時光過得特別快 byebye sapi ~~ 下次一定會再黎玩架！

[另：慎入私人花絮－驚逃駭浪之沙巴落雨之比風雨刮面搭快艇 ]

#Travel