柬埔寨@Day2 小吳哥篇

先說一說，今次我地既行程係參考了很多Mr.Angkor的資料

而且交通跟行程方面也是在他那裡報的

Day2 我地終於收撿搭飛機後既疲倦，

黎到探訪柬埔寨王朝盛世下的著名遺跡－吳哥窟

吳哥窟又名小吳哥(Angor Wat, Wat是廟咧) 因為保存最完整，也是吳哥遺址中最大的廟，建築對稱，而且其浮雕跟宗教、傳說亦令人引人入勝

因此而聞名於世（在炎夏下行逛，宏偉跟巨形的感覺也相對放大 汗）

所以這個有五座聖塔形狀的寺廟，大家即使未去過也肯定認得／在國旗上看到吧哈哈

這座寺廟跟很多其他地方的殿特徵類似，擁有城牆，牆外有護城河

不過護城河長1.5公里,寬1.3公里，其他護城河拍埋去，都只係小毛見大毛

當中其中一點與其他寺廟不同之處係，得小吳哥面向西方，而西方係象徵著死亡，

再加上淺浮雕係按逆時針咁順序排列，呢種手法多為印度葬禮所使用

(係西邊睇，浮雕係自己左手邊開始睇就沒錯了）

所以好多學者認為吳哥窟最初係蘇利那跋摩嘅陵墓，而非寺廟；

門口嘅八臂神像就係毗濕奴神像，八隻手臂分別拎住權杖、矛、圓盤、海螺等等

毗濕佬仲有個半人半鳥嘅“金翅鳥“形態，會係其他迴廊浮雕出現

迴廊處都雕刻著很多仙女在跳舞～

(仙女係印度佛教有住重要嘅角色，神話乳海翻騰入面，魔鬼同神爭長生不老仙藥，兩邊就用條巨蛇做繩，係曼荼羅山上攪動海水，毗濕佬就化做一隻大龜，仙女們係上空表演歌舞做啦啦隊加油，魔鬼就係因為太迷戀仙女嘅女色而輸左比神喇哈哈)

浮雕上仲有印度史詩、古綿的歷史、同戰爭等等

建築物內的門柱、窗框等都有著藝術般的雕刻，當中有3千幾個圖中嘅阿布薩拉(仙女) 每個都神態各異，髮型都有所唔同；

若然你先去其他寺，後去小吳哥，你應該會發覺呢到保存得真係相對完整

再想像一下係未有起重機同卡車嘅年代，只用勞力將巨型石塊搬運、再砌上

如此浩大嘅工程，的確令人難以置信

旅遊景點當然少不了到處振興其他國家經濟發展的內地同胞團

見到佢地，我會奉勸大家，嗯，請行快兩步爬佢地頭排隊上中央神塔

不然比佢地個導遊排隊先，一打一打團友咁插你隊真係會好無引

五座聖塔中，最中間那個就是放置神殿的地方，最高當然是最接近神的主塔

我亦有如其他觀光客一樣，排隊上中央神塔，希望可以從高腑視一下小吳哥的宏偉

不過上去的腳骨力絕對不少，是45度慢慢攀上去，本來的樓梯都“滑牙“了

這道有扶手的樓梯都是專為旅客而設的吧 (因為這裡之前曾發生過意外)

腳骨力再好也要捉實扶手拿個平衡，（你看左手邊班阿姨落樓梯都落左相當長時間）不過辛苦過後好快可以腑磡吳哥大地（笑）

企左上去，在印度教義中，我應該站在全宇宙核心的內圍了！！！！！

見到右上角 好多地方都仲修復緊

望返落去 （腳震震震震震～）

參觀完中央神殿後，行到蓮花池附近的位置，

拍下這張僧侶與廟的照片（相名改得太…求其喇掛）

雨季嘅時侯呢到填滿水嘅話 應該係另一種景象

好多斷首神像

有興趣去柬埔寨嘅朋友 除左去之前上網略看一下歷史、乳海翻騰神話之外

很介紹看一下蔣勳的吳哥之美，好有深度嘅一本書，除左佢對吳哥雕塑美學嘅描寫，

亦係佢寫信給好友內容中，看到柬埔寨內戰嘅歷史影響，帶出對生命反省、領悟，就如他在序中描寫：

//吳哥窟我一去再去，我想在那裡尋找什麼？

我只是想證明優秀的文明不會消失嗎？而我的文明呢？

或者，我們只有生存，還沒有創造文明？

吳哥是使我思考自己最多的地方//

(後記:我那時只是在書局打書釘，還是第一版，2017年9月，看到了附圖而且排版更好看的新版！是很值得入手的旅遊文學書藉)

#Travel #cambodia