大阪獨自遊-第一天京都

一直以嚟都好想試一下一個人去旅行

有人陪當然好 對我而言各有各開心 各有各看到唔同既風景

但跟住自己節奏旅行 而且修成了不要臉的勇氣交友(本來就不要臉)

你問一個人去旅行不悶嗎 那你一個人在熟悉的地方難道又會不悶嗎

雖然不會特別主張獨遊 不過有感係未來會繼續獨遊

好，言歸正傳

話說第一次的獨自遊，雖然well-planned，但係出發既時侯係有d阻滯

個阻滯就係臨出發既前一日夜晚11點15分先收到hkexpress既delay通知

原來出發時間係下午3點，其實去到關西機場都已經8點，再去到京都已經係十點既事

但由於唔想留係大阪4日太多 還是決定再夜也要先抵京都

而delay既通知係超嚇人 出發時間調到晚上7點，換言之到達關西機場已經接近12點

到時莫講話出京都，出大阪既JR也沒有，除了搭的士出大阪，你只有訓機場二個選擇

所以知道左之後真係開始精神緊張 係佢地hotline 1130收工前打去cs 但無補於事 (這晚我擔心得好像沒睡一樣)

第二朝830再打去cs 折騰左好耐至安排到調早一班機 12點起飛 隨即馬上由家出發 當然到最後也delay2個鐘

2點幾正式起飛 係八號風球由外圍準備打入香港期間 安全抵達關西機場

去到機場岩岩睇到日落 然後九秒九速度入境、去JR綠色窗口買IC卡同去京都既車飛

一切無驚無險 （一個人既速度真係快左2倍嗯嗯）

同一個車卡見到另外兩位香港小妹妹 佢地都有買京都車票

但車長驗票時唔知點解要補票 多比接近1千yen一個 講左陣最後都係幫唔到手

穩陣還是去綠色窗口買最好

到達京都之後個肚係響起緊十級肚餓警報信號 立馬去京都車站個地下商場搵野食

9點10分去到 已經有一半餐廳close左 我選擇困難症令我猶疑左十分鐘食邊間好..

肯定再猶疑多陣你連屎也沒得你吃

去左間食炸物串燒既餐廳 不過沒我想像中好吃 不過不失 但飽得非常

因為左邊果碗既底原來係飯黎..(我一開始以為全是菜)

上返地面之後 就開始圍住京都鐵塔搵去hostel既路

不過車站內有點大又有點複雜 (嗯因為hostel完全不在鐵塔這邊哈哈)

所以最後用左半個鐘先去到係小巷入面既hostel

週邊都係住宅區嘅小巷，所以好靜好黑，其實都驚驚地，不過硬住頭皮繼續搵路xd

今次係piece hostel kyoto住 上網睇評分好高 實際住過後亦覺得好多配套很好

圖影得很差哈哈 因為有其他女仔係到

不過地方好新同乾淨 淋浴間同洗手間都好乾淨

而且去京都車站只係十分鐘腳程 對於我搭巴士遊京都係超方便

（不過近水樓台都沒去新福菜館吃炒飯 好可惜）

三分鐘腳程仲有往返東京嘅夜行巴士，下次可以考慮下

今晚就係到乖乖洗洗睡嚕～～