沙巴-京都巴魯 Day 1 @怡豐+華興海鮮

今次沙巴（亞庇）之旅其實來得非常突然 係因為係因為川生終於調到職

所以係返工前見有假，朗子同川生臨時共同決定的旅程，

豈知買後第二日，同一個旅遊網站同一個套票每人平左一千蚊

差 d 激 到 心 臟 病 發 ！

不過千金難夾到時間 所以 都係唔好為呢一千蚊執著喇 （咁係因為一千蚊真係好多呀嘛）

上午十點乘坐airasia起飛 一點左右就到馬來西亞沙巴既京都巴魯Kota Kinabalu

機場很細 所以無論找電話卡(一落電梯即看到) 兌換店(電梯轉左)跟機場巴(電梯轉左行到去KFC,tourist information center前) 也是超容易的

我地倆個買左一張電話卡，25RM(約50HKD),可能係淡季吧，之前上網睇過其他網友係大約1Gb到

今次的是3.8g，五天的旅程點用都有突阿

而且只有一架機場巴，走去counter跟他說你住邊間酒店，佢地就會指示你坐邊架、邊到落架車架喇

我地住既dreamtal hotel 去到總站就是了 ！ 好似唔駛半個鐘就到！

去到二點幾 放低d野就即刻去對面街既怡豐茶室醫肚！

點了叻沙、檸檬桔子冰、牛腩面、雙層拉茶

叻沙真係好好味 拉茶也真的不錯 不過自己口味還是喜歡香港奶茶多

然後食完來個中場休息 夜晚再行去“海鮮美食新天地“(Sedco Square )食海鮮盛宴！

香港的海鮮都太貴，今次真係要狠狠地食落去！

一睇我既身形就知 食野黎講我真係戰鬥格

雖然個個blog都去雙天 但係我地要背道而馳一下 去左最近門口既華興海鮮(最左邊)

（因為好似見淨係得華興有榴蓮雪糕同燒烤海鮮食xd）但係絕對無令我地失望

我地兩個人點了五道菜，由我覺得最好味既數起：白奶油虎蝦、咖哩燒魔鬼魚、榴蓮雪糕、白胡椒炒花蟹、蟹肉炒飯、 同埋馬來風光（馬拉盞炒通菜）

頭三道菜我認為是必食items,因為香港都試唔到！

蝦 真係超 大 隻 ！！ 而且奶油好好味 剩返既我就咁奶晒而且蝦好新鮮 肉唔痴殼 好鮮 而且肉好實 好好咬口！而魔鬼魚食落口感有d似雞似般，啖啖都係肉而且骨夠大條，唔識吐骨的我都食左大半條..而且好惹味

其實炒飯同炒菜都好好味，好有鑊氣！只係其他都太高水準才比下去

最後點左個貓山王榴蓮雪糕 嘩 救命 點解好似食緊雪糕質地既榴蓮咁 嘩 真係阿 好味到

最後結帳才百多塊RM(即二百多港幣，除開每人一百多！）但係係勁飽，而且超好味！ 去沙巴嘅真係要試！

#Travel #Sabah