沙巴京都巴魯 Day4 Part 1@ 星期日市集

Day4接近沙巴之旅既尾聲，不過快樂既時光唔好比佢停！

因為事前我地並無為最後果日準備太多，

所以係Day3既晚上，立即whatsapp連絡kkday客服問有無last minute既長鼻猴+螢火蟲團報

竟然有，於是夜晚摷晒銀包所有錢籌旗，又真係岩岩好夠錢喎！（哈哈哈哈哈哈）

夜晚九點個客服都仲出黎，而且仲收港紙+馬幣雙幣付款！然後身上面就得返幾十蚊RM喇哈哈

ALL IN!!!! 正所謂唔賭唔知運氣高 唔曬冷都唔知自己有幾窮

（證據：無錢的銀包＋一大堆每天在精明算著洗費的黃紙筆記）

第二朝遲左起身食唔到酒店早餐哈哈 決定行左位於加雅街的週日市集才吃Brunch!

因為加雅街都太近酒店了（就在對面，過兩條馬路就到！），五分鐘也不用的腳程就來到上圖的週日市集入口

去旅行最喜歡逛市集，看到最多當地的小物小食，最緊要還是買紀念品跟手信～

很多很便宜的生果乾，例如貓山王榴蓮乾、香蕉乾等等

因為一個月前從柬埔寨買的香蕉乾還未吃完，所以就沒買嚕～

超多餅乾類，而且有d似香港懷舊的餅乾（一個大圓罐，裡面整齊放滿餅乾的那種）

吹到個袋漲卜卜 感覺攬住食會好開心嗯嗯

沙巴當然少不了一系列海洋的紀念品，自己就買了個小丑魚跟船舵造型的磁石貼

（而且很多店都在有售Pandora手鏈，而且仿真度還蠻高 買個送給港女同事一流）

用椰子殼整的土著公仔(定係馬嬲？）阿分不清了

除了吃的買的，還有養的....狗阿貓阿魚阿雞仔阿雀仔阿也有

天氣其實超熱，籠又超細，一個籠放差不多十隻，全部都沒精神奄奄一息sosad..

週日市場的最尾係舊街場跟富源對面，拿拿臨醫肚先

有喇沙有咖哩有冬陰有meehoon，有海鮮有雞有魚蛋

有辣有唔辣，任均選擇

係枱面拎張order sheet研究左一陣，嗱依家我識喇

A La Carte 係單叫，Set/Combo係套餐 (笑)

黎到舊街場白咖啡（我細細個就聽過呢個名）

當然要點杯白咖啡＋冬陰魚蛋河粉(好似係嗯嗯）

冬陰真係好辣，咁熱點解d人食冬陰可以面不改容-.-

川原本點左本肯定唔會伏既汽水，點知最伏反而都係呢杯汽水

係杯無汽既汽水（即係糖水haha） 而且唔夠凍 係一杯唔多"鋸"到氣既汽水haha

然後就返酒店等壓軸既長鼻猴+螢火蟲之旅喇！

首尾呼應一下，食完餐飯就真係得返12 蚊左右既RM係身喇哈哈，晚餐點算？

請留意沙巴京都巴魯Day4 Part2喇haha